“Алтын Орда” базарының бұрынғы басшылары Қанат Алмабек пен Данияр Әбдіғапаровқа іздеу жарияланды, деп хабарлайды Juzmedia.kz.
Ақпарат Құқықтық статистика және арнайы есепке алу жөніндегі комитеті порталында шықты.
“Алмабек Қанат. Туған күні: 1984 жылғы 10 сәуір, жынысы — ер адам, Қазақстан Республикасының азаматы, ұлты — қазақ. Іздеу ісі 2025 жылғы 23 мамырда тіркелген, өңір — Алматы облысы. Іздеуді бастаған орган — Ішкі істер министрлігі, іздеуді жүргізетін орган — Қарасай ауданының полиция басқармасы, — делінген Алмабекке қатысты іздеу дерекқорында жарияланған ақпаратта.
Сондай-ақ Әбдіғапаровқа қатысты ақпарат та жарияланған.
"Әбдіғапаров Данияр Амалбекұлы. Туған күні: 1982 жылғы 1 наурыз, жынысы — ер адам, Қазақстан Республикасының азаматы, ұлты — қазақ. Іздеу ісі 2025 жылғы 23 мамырда тіркелген, өңір — "Алматы облысы". Іздеуге бастамашы орган — Ішкі істер министрлігі, іздеуді жүргізетін орган — Қарасай ауданының полиция басқармасы", — делінген ақпаратта.
Еске салайық, бұған дейін 2023 жылғы қаңтарда базардың бұрынғы төрт басшысы:
1982 жылы туған Данияр Әпдіғапаровқа,
1982 жылы туған Жұмадин Патовқа,
1984 жылы туған Қанат Жақаевқа
1986 жылы туған Айдос Нұрқалиевқа Қылмыстық кодекстің 190-бабы бойынша халықаралық іздеу жарияланған болатын. Олар алаяқтық жасады деген күдікке ілінген.
«Juzmedia» - ақпараттық-ағартушылық портал. Қазақ қоғамының өсуі, өзгеруі тұсында болып жатқан құбылыстарды мүлт жібермейтін сенімді ақпарат көзі. Атауына қатысты түсініктеме бере кетсек: Елде болып жатқан әр іс-әрекеттің сыртында адам, адамның бет-бейнесі, ЖҮЗІ бар. Яғни, жауапкершілігі, ар-ожданы деген сөз. Мейлі қарапайым адам, мейлі шенеунік осы түсінік аясынан алшақтамаса.
Балбал тас
