Алдағы аптада отандық спортшылар бірқатар халықаралық додаларда ел намысын қорғайды. 9–15 маусым аралығында түрлі құрлықтарда өтетін жарыстарға Қазақстан құрамасынан жүзден астам спортшы қатысады. Бұл туралы juzmedia.kz порталы Қазақстан Республикасы Туризм жəне спорт министрлігіне сілтеме жасап хабарлайды.
10–14 маусым күндері Германияның Мюнхен қаласында нысана көздеуден Әлем кубогі өтеді. Байрақты бәсекеде ел құрамасынан 15 мерген бақ сынайды.
12–15 маусым аралығында Таиландтың Паттайя қаласында байдарка мен каноэде есуден Азия чемпионаты өтеді. Жастар мен жасөспірімдер арасындағы сайысқа 12 спортшымыз қатысады.
Осы күндері, 12–15 маусымда, Астанада грэпплингтен халықаралық турнир ұйымдастырылады. Ауқымды додада 10 елден 800-ге жуық спортшы күш сынасады.
13–15 маусым аралығында Швейцарияның Берн қаласында спорттық құзға өрмелеуден Әлем кубогі өтеді. Қазақстан атынан 1 спортшы жарыс жолына шығады.
Сол күндері, 13–15 маусымда, АҚШ-тың Шарлотт қаласында WT таэквондодан Grand Prix Challenge G2 халықаралық турнирі өтеді. Бұл сынға 5 таэквондошымыз қатысады.
Қытайдың Сиань қаласында өтетін көркем жүзуден Әлем кубогінің суперфиналында (13–15 маусым) 12 спортшымыз өнер көрсетеді.
Ал 13–20 маусым аралығында Мажарстан астанасы Будапештте дзюдодан әлем чемпионаты өтеді. Ел құрамасынан 12 дзюдошы татамиге шығады.
Соңында, 14–21 маусым аралығында, Сингапурда садақ атудан Азия кубогінің екінші кезеңі өтеді. Бұл бәсекеге 10 спортшымыз қатысады.
«Juzmedia» - ақпараттық-ағартушылық портал. Қазақ қоғамының өсуі, өзгеруі тұсында болып жатқан құбылыстарды мүлт жібермейтін сенімді ақпарат көзі. Атауына қатысты түсініктеме бере кетсек: Елде болып жатқан әр іс-әрекеттің сыртында адам, адамның бет-бейнесі, ЖҮЗІ бар. Яғни, жауапкершілігі, ар-ожданы деген сөз. Мейлі қарапайым адам, мейлі шенеунік осы түсінік аясынан алшақтамаса.
Балбал тас
