«Сирек жер металдары – бұл екінші мұнай. Біз бұл әлеуетті барынша ұтымды пайдалануымыз керек», – деді Скляр.
Оның айтуынша, Қазақстан жер қойнауында бес мыңға жуық зерттелмеген кен орны бар. Ел үкіметі осы салада екі негізгі бағытты ұстанады: ыстыққа төзімді никель қорытпаларын және аккумуляторға арналған материалдарды өндіру.
«Бұл салада Қазақстан “шикізатқа – инвестиция мен технология” деген прагматикалық формуланы ұстанады. Қытайлық компаниялармен нақты жобаларды жүзеге асыруға дайынбыз», – деді вице-премьер.
Скляр сондай-ақ Қазақстанның жаһандық қосылған құн тізбегінің орта буынына енуге бағытталғанын және бұл бағытта мемлекет жүйелі жұмыс жүргізіп жатқанын атап өтті.
Айта кетейік, бұған дейін Қазақстан Сыртқы істер министрі Мұрат Нұртілеу АҚШ-қа сапары аясында американдық инвесторларды да сирек жер металдары саласында әріптестікке шақырған болатын.
«Juzmedia» - ақпараттық-ағартушылық портал. Қазақ қоғамының өсуі, өзгеруі тұсында болып жатқан құбылыстарды мүлт жібермейтін сенімді ақпарат көзі. Атауына қатысты түсініктеме бере кетсек: Елде болып жатқан әр іс-әрекеттің сыртында адам, адамның бет-бейнесі, ЖҮЗІ бар. Яғни, жауапкершілігі, ар-ожданы деген сөз. Мейлі қарапайым адам, мейлі шенеунік осы түсінік аясынан алшақтамаса.
Балбал тас
