Абай облысындағы үш мектептің 194 қызметкерінің ЖСН-і мен анкеталық деректері мемлекеттік сатып алулар порталында ашық жарияланып кеткен деп хабарлайды Juzmedia.kz.
Бородулиха ауданының прокуратурасы жүргізген тексеріс барысында мектептер медициналық тексеруге байланысты қызметкерлердің жеке тізімдерін жариялап жібергені анықталған. Онда шектеулі қолжетімді деректер – ЖСН, аты-жөні және өзге де жеке ақпараттар болған.
Осы заңбұзушылық үшін мектеп директорларына 1 миллион теңгеден астам айыппұл салынып, тәртіптік жаза қолданылған. Аудандық білім бөлімі мұндай оқиғалардың қайталанбауы үшін шара қабылдауға уәде берді.
«Juzmedia» - ақпараттық-ағартушылық портал. Қазақ қоғамының өсуі, өзгеруі тұсында болып жатқан құбылыстарды мүлт жібермейтін сенімді ақпарат көзі. Атауына қатысты түсініктеме бере кетсек: Елде болып жатқан әр іс-әрекеттің сыртында адам, адамның бет-бейнесі, ЖҮЗІ бар. Яғни, жауапкершілігі, ар-ожданы деген сөз. Мейлі қарапайым адам, мейлі шенеунік осы түсінік аясынан алшақтамаса.